Det gjeld dei som har delteke i gruppene visjon, byforming og omdømme, men også “drammensfararane”, valnemnda, Førde Forum, Førde kommune, og representantar frå kultur- og organisasjonsliv, handel og næringsliv. Her er det også fritt fram for spesielt interesserte. Alle er velkomne!

Ord til inspirasjon

Førde Framover handlar om å løfte i flokk og engasjere seg for utviklinga av Førde og dermed fylket. Dette kjem samfunnsdebattant og støttemedlem Georg Arnestad, fylkesordførar Nils R. Sandal, og samfunnsengasjert banksjef, Arvid Andenæs, til å seie noko om.

Oppsummering

Under avslutninga vil vi kort oppsummere kva Førde Framover har gjort dei åra prosjektet har vart og overrekke erfaringsrapport til kommune og næringsliv. Dei av oss som ikkje vil heim kl. 2000, vil fortsetje praten på hotellet utover kvelden.

Påmelding

For å kunne planlegge betre, ber vi om raskt tilbakemelding og seinast innan 5.9.

Beste helsing
Anne-Mette Hjelle
Tlf. 957 87 556

annemettehjelle086@gmail.com

Fridomsmusikk er tema når Førdefestivalen blir arrangert for 21. gong. I alt 250 artistar frå 24 nasjonar deltek.  Med på feiringa er også festivalens høge beskyttar - HM Dronning Sonja.

- For oss som lever i eit fritt land er det lett å gløyme at mange regime ser på musikk som farleg, seier direktør for Førdefestivalen, Hilde Bjørkum. Kunst, ikkje minst musikk, har ei enorm kraft og kan vere utfordrande og farleg, seier Bjørkum og er stolt over at tema er blitt så godt motteke.

300 stiller som frivillige under festivalen. Fem personar er tilsett i Førdefestivalen og leiinga veit etter 21 år korleis dei skal halde ved like entusiasme og pågangsmot etter mange års arbeid, unngå slitasje på medarbeidarar og dugnadsfolk.

Bakgrunnen er at vi i Førde Framover meiner det er viktig å orientere viktige utviklingsaktørar og interessegrupper for Førde om kva ressursar og utfordringar byen har.

Vi har lagt vekt på at Førde har ei spesiell rolle i fylket,  men at Førde sjølv må vere villig til å ta rolla. Det blir også avgjerande at resten av fylket hjelper til  med å gjere Førde i stand til det.

Vi har her prøvd å vise korleis det kan gjerast gjennom engasjement, visjon og mål. Vil du også vite meir? Les visjon og mål for Førdesamfunnet (kortversjon)

Leiar for visjonsgruppa i Førde Framover, John Helge Lunde, skriv i eit innlegg at Senterpartiet er i ferd med å flytte 500 kompetansearbeidsplassar ut av fylket i måten dei handterer sjukehussaka i Sogn og Fjordane. —————————————————————————————————————————————————
“Den pågåande sjukehusdebatten her i fylket og i landet elles hardnar til. Slik må det gå når grendepolitikk og kjensler får styre debatten.

Den norske sjukehusstrukturen blei, i stor utstrekning, lagd før både bilane, helikopter og antibiotika var oppfunne. Manglande strukturelle grep medfører soleis uvisse om framtida, manglande kvalitet og eit enorm pengebruk. Dette verken vil eller kan halde fram. Store endringar kjem til å skje av økonomiske, men spesielt av kvalitetsmessige årsaker.

Tryggleik og arbeidsplassar

Sjukehusdebatten her i fylket handlar om to ting; tryggleik for innbyggarane og arbeidsplassar. Når det gjeld tryggleik for innbyggarane verkar debatten å ha spora heilt av. Det verkar som nokon meiner at vi på kvart nes må ha eit sjukehus som dekkar alle akuttbehov. Vi har ikkje eit einaste slikt sjukehus i fylket. Dei tyngste akuttilfella knytt til t.d. trafikkulykker og hjarteinfarkt vert sende med helikopter til Haukeland. Vår viktigaste akuttberedskap er soleis ikkje sjukehusa, men ambulansar og helikopter. Vi har ambulansetenester i tilnærma kvar kommune og vi har to helikopter tilgjengelege. Det må vere fantastisk for vel 100.000 menneske.

Helse Førde har eit kostnadsnivå som ligg ca 10% over kva ein har andre stadar i landet som det er naturleg å samanlikne seg med. Helse Førde må soleis spare minimum kr 150 mill. Helse Førde har på sitt ordinære budsjett for 2010 kr 2 mill til investeringar i medisinsk utstyr. Eit normalt årleg nivå er på ca kr 30-40 mill. I Helse Førde har den økonomiske situasjonen resultert i manglande investeringar i ei årrekkje. Dette medfører at fagfolk sluttar, noko som igjen forsterkar dei kvalitetsmessige konsekvensane av manglande investeringar.

Handlar om prioritering

Det verkar som dei fleste av våre politikarar nektar å ta realiteten innover seg. Dei greier ikkje å prioritere. Eit heiderleg unntak er ordførar Silden i Vågsøy. Han seier rett ut at sentralsjukehus-funksjonane ved sjukehuset i Førde må leggjast ned. Han har rett i at det vil vere det einaste alternativet til Helse Førde sitt forslag om distriktsmedisinske senter for Eid/Lærdal. Eg meiner at ei slik løysing er eit stort tap for fylket.

Det er ein realitet at lokalsjukehusa Eid og Lærdal ikkje kan fungere utan Sentralsjukehuset. Ei nedbygging av Sentralsjukehuset tilseier soleis på sikt tre nærsjukehus i fylket. For Eid og Lærdal vil skilnaden mellom nærsjukehus og distriktsmedisinske senter kombinert med samhandlingsreforma truleg vere særs liten. Helse Førde sitt forslag tilseier at ein kombinert med samhandlingsreforma ikkje skal redusere tal årsverk knytt til helse i Lærdal/Eid.

Høgkompetansearbeidsplassar ut

Konsekvensane for fylket ved ei nedlegging av sentralsjukehusfunksjonane ved sjukehuset i Førde vil vere at svært mange høg kompetansearbeidsplassar på sikt vert flytta ut av fylket, og at dei fleste av dei pasientane som i dag blir behandla i Førde må flyttast til Bergen. I dag har ikkje Haukeland kapasitet til å ta desse pasientane, men det seier seg sjølv at Helse Bergen på sikt vil seie ja til ei slik mulegheit.

Senterpartiet og fylket

SP i regjering meiner tydelegvis at Soria Moria-vedtaket om at ingen lokalsjukehus skal leggjast ned er langt viktigare enn helsetilbodet til folk i fylket og tap av ca 500 kompetansearbeidsplassar. Sjølv er eg oppvaksen i ei SP-familie og er glad for at det framleis finst SP-politikarar lokalt og i Helse Førde styret som evnar å sjå heilskapen. Statsråd og partleiar Liv Signe Navarsete kan med sitt spel påføre fylket eit alvorleg banesår. Ho vil sjølvsagt ikkje innrømme at ho vil bygge ned Sentralsjukehuset, men det er den einaste konsekvensen ved at Helse Førde sitt forslag ikkje vert vedteke. Ei utsetjing ved at Navarsete greier å få med seg nokre millionar til Helse Førde i 2010 budsjett vil sjølvsagt ikkje medføre noko anna enn framleis uvisse om framtida.

Folketalsutvikling og sjukehus

Fylket si dårlege folketalsutvikling skyldast manglande sysselsetjingsvekst innan offentleg og privat tenesteyting. Sentralsjukehuset med over 1000 årsverk er det einaste verkelege kompetansemiljøet vi har i fylket. Eit kompetansemiljø vi er stolte av. Førde er ein liten stad, og knapt stor nok til å gje ein god nok grobotn for eit slikt kompetansemiljø. Den usikkerheita som ei nedbygging i Førde over tid har skapt, kombinert med Navarsete sitt spel om og sine haldningar til Sentralsjukehuset, gjer det endå vanskelegare å forsvare den kompetansen som er bygd opp på Sentralsjukehuset.

Navarsete sitt “kunststykke”

Grendepolitikaren Navarsete kan soleis greie det kunststykket å både redusere sjukehustilbodet i fylket drastisk og flytte ca 500 kompetansearbeidsplassar ut av fylket, utan at Eid/Lærdal vinn noko særleg på det. Helseministeren, som er tidlegare toppolitikar i Bergen, har til no synt ein imponerande heilskapstenking, men med dei utfordringar ho har andre stadar i Noreg kan ho kome til å seie ja takk til pasningen frå Navarsete om ca 500 nye kompetansearbeidsplassar til Bergen på sikt. Navarsete synes truande til å forhandle bort både Sentralsjukehuset og andre sjukehusfunksjonar i landet for å bli populær i eiga grend.”

John Helge Lunde

Les årsmelding og rekneskap for 2009, som er klart, godkjent og signert av styringsgruppa (John Helge Lunde, Svein Arne Skuggen Hoff, Margunn Masdal og Anne-Mette Hjelle).

• Førde Framover Årsmelding 2009
• Førde Framover rekneskap 2009

MARKERTE STØTTE: Ei gruppe unge og vaksne i Førde arrangerte ei støttemarkering for asylsøkjarborn i landet. Dei meiner at mange vedtak er i strid med FNs barnekonvensjon. Her er ein del av gruppa, framme f.v.: Nina-Marie Hjellbrekke, Åse-Linn Hollevik. Midten: Harald Olav Wiken, Astrid Horstad, Siv Jorunn Hjellbrekke, Margrethe Henden Aaraas. Bak: Gunnstein Fidjestøl, Norunn Bremstein, Johan Bengtsson, Arild Nybø, Turi Bruland og Liv Bergliot Løken.

Humanitær aksjon

Gruppa har starta ein humanitær aksjon med krav om at barnas rettar skal kome i fremste rekkje når norske styresmakter vurderer asylsøknader. For å få med så mange som mogleg, har dei oppretta nettsida www.barna1.no.

Avslag på asylsaker

Bakgrunnen er at det i Førde er fleire barn som den siste tida har fått avslag på asylsøknader, trass i at dei er etablerte i lokalsamfunnet og har ei sterk tilknyting til landet.

Sunnfjord-kommunane stiller sterkt på Framtidsfylket sine karrieremesser i Oslo, Trondheim og Bergen. I Oslo var det rekordmange gjester som kom for å sjå kva Sogn og Fjordane har å by på for dei som vil flytte til fylket.

Gå til nettsida til Sunnfjord Næringsutvikling eller gründerportalen Driftig.no om du vil vite meir om kva dei gjer for deg som vil starte eigen bedrift.

Skal Førde lukkast, er folketalsvekst heilt avgjerande. Korleis det kan skje, kan du lese om i utkastet til visjon og mål for Førdesamfunnet, som visjonsgruppa no er klar med.  Her kan du laste ned og lese innhaldet i;

1. Kortversjon visjon, mål og verdiar
2. Arbeidsdokument for visjon, mål og verdiar

I kveld blei utkastet presentert for Førde formannskap. Les dei ulike reaksjonane frå formannskapet…

Bjørn Harald Haugsvær (Krf) : - Eg er imponert over kva de har fått til. Vi blir sittande med enkeltsaker, medan de har løfta blikket og skua framover. Eg føler meg inspirert! Dette løftar oss ut av kvardagen, sa Haugsvær.

Olve Grotle (H): - Dette samsvarer veldig med det vi som politikarar tenkjer.

Rådmann Ole John Østenstad: - Dette er nyttig for oss i kommuneplanprosessen vi har foran oss.

Norvall Nøringset (Sv): - Måten dette har vore gjennomført på er veldig positivt.

Jorunn Kirketeig (Ap) - Eg har veldig tru på at Førde kan lukkast. Men dette viser tydeleg kor viktig helsesektoren er for oss og at vi ikkje har råd til å miste noko.

Knut Johansen (Ap) - Eg har veldig sansen for kreativiteten og arbeidet, men ville gjerne hatt meir om barn og unge inn i visjonen.

Ordførar Nils Gjerland (Sp) - Det blir enklare å gjennomføre politiske endringar med dette.

Jan Thaule (V): - Mennesket i sentrum er eit gamalt venstre-slagord, så dette likar eg. Samstundes viser det alvoret i forhold til sentraliseringa m.a. til Bergen. Det blir viktigare enn nokon gong at vi har eit kvalitetsstempel på alt vi leverer i Førde!

Vil du vite meir? Visjonsgruppa er tilgjengeleg for foredrag og diskusjon. Kontakt John Helge Lunde på tlf. 474 66 074